Purple Fest : राज्यात मागील वर्षी आयोजित करण्यात आलेला पर्पल फेस्टला देशभरातून मिळालेला प्रतिसाद लक्षात घेऊन यंदाही हा महोत्सव आयोजित करण्यात आला आहे. 8 ते 13 जानेवारी 2024 या कालावधीत गोव्यात हा आंतरराष्ट्रीय पर्पल फेस्ट संपन्न होणार असल्याची माहिती समाजकल्याण मंत्री सुभाष फळदेसाई यांनी दिलीय.

राज्य दिव्यांगजन आयुक्त कार्यालय आणि समाज कल्याण खात्यातर्फे आयोजित केला जाणारा हा महोत्सव आता ‘आंतरराष्ट्रीय पर्पल पेस्ट गोवा 2024’ म्हणून जाहीर करण्यात आल्याची घोषणा मुख्यमंत्री डॉ. प्रमोद सावंत यांनी या आधी केली होती.

या आंतरराष्ट्रीय पर्पल फेस्टसाठी आतापर्यंत 2 हजार प्रतिनिधींनी नोंदणी केली असून 6 हजारांपेक्षा जास्त प्रतिनिधी नाव नोंदणी करतील अशी अपेक्षा असल्याचेही फळदेसाई यांनी सांगितले. या फेस्टसाठी 15 कोटींचे बजेट असल्याचीही माहिती त्यांनी दिली.

मागील वर्षीच्या पर्पल फेस्ट सोहळ्याचे कौतुक पंतप्रधान नरेंद्र मोदी यांनी आपल्या 'मन की बात' कार्यक्रमामध्ये केले होते.

लाइव्ह परफॉर्मन्स, भव्य प्रदर्शन, क्रीडा इव्हेंट्स, विविध कार्यशाळा, सांस्कृतिक उपक्रम आणि मनोरंजनात्मक कार्यक्रमा असे बरेच उपक्रम मागील वर्षीच्या फेस्टमध्ये पाहायला मिळाले होते.

यंदा कुठले कार्यक्रम आयोजित करणार याबाबत अद्याप माहिती प्राप्त होऊ शकली आंही.