येत्या दोन दिवसांत संपूर्ण देशात मान्सून माघारीसाठी अनुकूल स्थिती असुन गोवा राज्यात पुढील दोन दिवस हवामान कोरडे राहील, परंतु हलक्या सरी बरसण्याची शक्यता असल्याची माहिती हवामान तज्ज्ञांनी दिली आहे.

(goa imd predict upcoming two days light rain in goa )

येत्या 3 दिवसात राज्यात धुके वाढण्याची शक्यता असुन तापमान सुमारे 2 अंश सेल्सिअसने घसरण्याची शक्यता असल्याचा अंदाज वर्तवण्यात आला आहे. भारतीय हवामानशास्त्र विभागाने दिलेल्या माहितीनुसार (IMD), पणजी येथे 31.4 मिमी पावसाची नोंद झाली आहे. तर जुना गोवा 20.4 मिमी, सांगे येथे 19 मिमी, फोंडा 9 मिमी, काणकोण येथे 8.2 मिमी आणि इतर ठीकाणी कमी प्रमाणात पाऊस झाला असल्याची माहिती दिली आहे.

गेले काही दिवस राज्यात ढगफुटीचे प्रकार वाढले असुन यामुळे अनेक ठिकाणी मोठे नुकसान झाले आहे. हवामान तज्ज्ञांनी याबाबत माहिती देताना वातावरण बदलाने असे प्रकार घडत असल्याचं म्हटले आहे.