वास्को: येथील दाबोळी विमानतळासमोरील रस्त्यालगत शनिवारी (ता. २) रात्री उभ्या असलेल्या सिद्धम्मा मदार (६०,रा. मांगोरहील) दिला कारची जोरदार धडक देऊन कारसह पळ काढला. मात्र, ‘हिट ॲंड रन’ प्रकरण दिसताच आमदार संकल्प आमोणकर यांनी १२ किमी. पाठलाग करून चालक सचिन चोप्रा (रा. मूळ उज्जैन)याला पकडून पोलिसांच्या हवाली केले.आमोणकर यांच्या कामगिरीचे कौतुक होत आहे.

चालकावर दोन गुन्हे

गंभीर जखमी झालेल्या सिध्दम्माला उपचारार्थ चिखली उपजिल्हा इस्पितळात नेण्यात आले. परंतु तेथे मृत घोषित करण्यात आले. त्यामुळे निष्काळजीपणेवाहन हाकून मृत्युला कारणीभूत ठरल्याप्रकरणी वास्को पोलिसांनी सचिन चोप्रा विरोधात गुन्हा नोंदवला आहे. तसेच अपघातानंतर पळ काढल्याप्रकरणीही गुन्हा दाखल केला आहे.

अपघात झाल्यावर जखमीला वैद्यकीय मदत करणे व पोलिसांना माहिती देणे हे महत्त्वाचे असते. काही वाहनचालक अपघातानंतर पळ काढतात. माहिती लपवतात. त्यामुळे जखमीला उपचार मिळण्यास विलंब होतो. त्यामुळे त्या चालकाविरुद्ध आणखी एक गुन्हा नोंद होतो. एखादा चालक अपघातानंतर पळ काढण्याचा प्रयत्न करीत असेल, तर वाहन क्रमांक नोंद करून तो पोलिसांना द्यावा. जखमीला वैद्यकीय मदत देण्याचे प्रयत्न करावेत,

- गुरुदास कदम, पोलिस अधीक्षक