शिवोली : बामणवाडा - कांदोळी (Candolim Goa) येथे १९९७ पासून सर्वे क्रमांक २२९/१/५/६/९ मध्ये अस्तित्वात असलेल्या स्थानिकांची घरे (Houses) भर पावसात न्यायालयाच्या आदेशानुसार मंगळवारी पाडण्यात आली. यावेळी बार्देश तालुक्याचे मामलेदार, कळंगुटचे पोलिस निरीक्षक (Calangute Police Inspector) फौजफाट्यासहित उपस्थित होते.

कारवाई केलेली घरे सागरी क्षेत्र नियमांचा भंग करून उभारण्यात आल्याची तक्रार दिल्लीस्थित नीरज कुमार यांच्याकडून संबंधित प्राधिकरणाकडे २०१८ साली करण्यात आली होती. कांदोळी पंचायतीकडून येथील एका घराचे मालक अंजना नाईक यांना सदरच्या जागेत स्टॉल उभारण्याचा परवाना देण्यात आला होता. एका दिल्लीस्थित व्यवसायिकाकडून केलेल्‍या तक्रारीची दखल घेत आपली जुनी घरे पाडण्यात आल्याचा आरोप घरमालकांनी केला आहे.