Goa Govt on Salary Certificate: गोवा सरकारने आता सरकारी कर्मचाऱ्यांसाठी एक नवा आदेश जारी केला आहे.

त्यानुसार त्यांच्यात कर्ज फेडण्याची क्षमता असेल किंवा ते आर्थिकदृष्ट्या सक्षम असतील तरच त्यांना सॅलरी सर्टिफिकेट (वेतन प्रमाणपत्र) देण्यात येणार आहे. राज्य सरकारच्यावतीने याबाबतचे आदेश जारी करण्यात आले आहेत.

या आदेशात म्हटले आहे की, आर्थिकदृष्ट्या सक्षम असलेल्या सरकारी कर्मचाऱ्यांनाच वेतन प्रमाणपत्र जारी करावे.

सरकारी कर्मचाऱ्यांच्या वेतनातून कापून जाणारी रक्कम वगळता त्याच्या हाती येणारी रक्कम ही कर्जफेड करण्यासाठी पुरेशी आहे की नाही, याची शहानिशा करूनच वेतन प्रमाणपत्र जारी करण्यात यावे.

संबंधित अधिकाऱ्यांनी सरकारी कर्मचारी कर्जफेडीसाठी सक्षम आहे की नाही याची खात्री करावी, असे सरकारचे म्हणणे आहे.