Goa Government: खोल समुद्रात एलईडीचा वापर करून मासेमारी करणाऱ्यांविरुद्ध कारवाईसाठी मनुष्यबळाची कमतरता असून 56 कर्मचाऱ्यांच्या नेमणुकीच्या प्रस्तावाला सरकारने मान्यता दिली आहे. ही नेमणूक झाल्यानंतर कठोर कारवाईला सुरुवात केली जाईल अशी माहिती आज ॲडव्होकेट जनरल देविदास पांगम यांनी आज मुंबई उच्च न्यायालयाच्या गोवा खंडपीठाला दिली. या जनहित याचिकेवरील सुनावणी खंडपीठाने दिवाळीच्या सुट्टीनंतर ठेवली आहे.

एलईडीचा वापर करण्यास केंद्र सरकारने बंदी घातली असताना अनेक मच्छिमारी ट्रॉलर्स तसेच बुल ट्रोलिंग जहाजे खोल समुद्रात जाऊन या एलईडीचा वापर करत असल्याप्रकरणी मुंबई उच्च न्यायालयाच्या गोवा खंडपीठाने मासेमारी खाते तसेच तटरक्षक दलाला कारवाईचे आदेश देण्यात आले आहेत. त्याच्या आधारे मासेमारी खाते सक्रिय झाले आहे.

खात्याकडे तक्रार नाही

तक्रारी किनारपट्टी पोलिसांनी मच्छिमारी खात्याकडे सोपविल्या आहेत, तरी कोणतीच कारवाई होत नाही असे आहे का असे विचारले असता ते म्हणाले की तशा काही तक्रारी खात्याकडे आलेल्या नाहीत. वृत्तपत्रातूनच ते उघडकीस आणण्यात आले आहे.