डिचोली: उद्या रविवारी डिचोलीत होणाऱ्या 'सरकार तुमच्या दारी' ('Government at your door') या कार्यक्रमाचा डिचोलीसह मये मतदारसंघातील जनतेला लाभ घेण्याची संधी मिळणार आहे. अशी माहिती मयेचे जिल्हा पंचायत सदस्य शंकर चोडणकर आणि भाजपचे प्रवक्ते प्रेमानंद महांबरे यांनी दिली. यावेळी भाजप प्रदेश सचिव आरती बांदोडकर, मये भाजप मंडळाचे अध्यक्ष दयानंद कारबोटकर, सचिव विश्वास चोडणकर आणि कृष्णा परब हे उपस्थित होते.

उद्या रविवारी डिचोलीतील श्री शांतादुर्गा उच्च माध्यमिक (Shantadurga High School)विद्यालयात सकाळी 9 वाजल्यापासून या कार्यक्रमाला सुरवात होणार आहे. मुख्यमंत्री डॉ. सावंत हे या कार्यक्रमांतर्गत जनतेशी संवाद साधणार आहेत. 'सरकार तुमच्या दारी' उपक्रमांतर्गत सरकारच्या वेगवेगळ्या खात्यांचे अधिकारी डिचोलीत उपस्थित राहणार आहेत.

या कार्यक्रमातून जनतेला सरकारी योजनांची माहिती मिळवणे सोपे होणार आहे. त्याचबरोबर प्रशासकीय (Administrative)अडीअडचणीही अधिकाऱ्यांसमोर मांडण्याची संधी उपलब्ध होणार आहे. याव्यतिरिक्त आरोग्य विषयक तपासणीही करण्यात येणार आहे. लसीकरणाचा दुसरा डोस देण्याचीही व्यवस्था असेल. अशी माहिती प्रेमानंद महांबरे यांनी दिली. मये मतदारसंघातील 7 ही पंचायत क्षेत्रातील जनतेने या अभिनव उपक्रमाचा लाभ घ्यावा. असे आवाहन मये भाजप(BJP) मंडळाने यांनी केले आहे. दरम्यान, उद्या होणाऱ्या 'सरकार तुमच्या दारी' या कार्यक्रमाची तयारी पूर्ण झाली आहे.