पेडणे: गोवा फॉरवर्ड पक्षाने पेडणेमध्ये सुरु असलेल्या अवैध कसिनोचा पर्दाफाश केला आहे. गोवा फॉरवर्डचे अध्यक्ष विजय सरदेसाई म्हणाले की, सरकारच्या आशीर्वादाने गोवा राज्यात जुगाराचे अड्डे सुरु आहेत. राज्यात अवैध कसिनोच्या संख्येमध्ये मोठ्या प्रमाणात वाढ होत आहे आणि याला सरकारच जबाबदार आहे.

(Goa Forward exposes illegal casinos in Pernem)

याच पार्श्वभूमीवर मांडवीतील कसिनोंना हरित लवादाने किनारी क्षेत्र व्यवस्थापन प्राधिकारणाकडून ना हरकत प्रमाणपत्र घेणे अनिवार्य केले आहे. मात्र यासाठी कसिनोंकडून आलेले अर्ज हे अर्धवट माहितीचे आणि त्रुटीपूर्ण असल्याने (Goa Coastal Zone Management Authority) ‘जीसीझेडएमए’ ने या अर्जांवर असमाधान व्यक्त केले आहे.

'GCZMA'ला कॅसिनोंकडून आलेले अर्ज अपूर्णावस्थेत!

‘एनजीटी’च्या निर्देशांनुसार मांडवीत चालणाऱ्या कसिनोंना 12 सागरी मैलांपर्यंतच्या सीआरझेडसाठी ना हरकत दाखला घेणे आवश्यक आहे. प्राप्त झालेले अर्ज अपूर्ण आणि कागदपत्रांची पूर्तता नसलेले आहेत.

प्राधिकरणाच्या आदेशाला आव्हान

आरटीआय कार्यकर्ते काशिनाथ शेट्ये यांनी कसिनो नदीच्या 12 सागरी मैलाच्या आत सीआरझेड- 4 अंतर्गत येणाऱ्या भागात हलवण्यात आली असल्याचे एनजीटीने नजरेस आणून दिले होते. हा युक्तीवाद एनजीटीने मान्य करून शेट्ये यांची याचिका दाखल केली होती.

तसेच इतर खात्यांकडून आवश्‍यक असलेले ना हरकत दाखले आणि जहाज तपशील सादर करण्याची सूचना अर्जदारांना प्राधिकरणाकडून देण्यात आली आहे. सर्व दस्तावेज सार केल्यानंतरच अर्जांची प्रक्रिया पूर्ण करता येईल, असा निर्णय जीसीझेडएमएचया गेल्या आठवड्यात झालेल्या बैठकीत घेण्यात आला होता.

कसिनोकडून सीआरझेडसाठी ना हरकत प्रमाणपत्र नसल्याने कारभार थांबवण्याचा आदेश ‘एनजीटी’ने दिला होता. तसेच गोवा राज्य प्रदूषण नियंत्रण मंडळाला कसिनोंमुळे झालेल्या पर्यावरणाच्या नुकसानीचे मूल्यांकन आणि भरपाई करण्यासही आदेशात स्पष्ट केले होते.वसूल केलेल्या निधीतून कृती आराखडा तयार करून पर्यावरण पुनर्संचयित करण्यासाठी वापरण्यात करण्याचे नमूद केले होते.