Thivim house fire Goa: थिवी येथील औचित वाडो येथे शुक्रवारी एका निवासी घराला लागलेल्या आगीत सुमारे ५ लाख रुपयांचे मोठे नुकसान झाले आहे. आगीच्या या घटनेमुळे परिसरात काही काळ घबराटीचे वातावरण निर्माण झाले होते.
प्राथमिक तपासानुसार, ही आग विजेच्या शॉर्ट सर्किटमुळे लागल्याचा संशय आहे. विशेषतः, घरातील फ्रिजमध्ये शॉर्ट सर्किट झाल्याने आग लागली असावी, असा अंदाज अग्निशमन विभागाने वर्तवला आहे. आगीमुळे मालमत्तेचे सुमारे ५ लाखांचे नुकसान झाले असून सुदैवाने, या घटनेत कोणतीही व्यक्ती जखमी झाल्याचे वृत्त नाही.
या घटनेची माहिती मिळताच अग्निशमन दलाचे बंब तात्काळ घटनास्थळी दाखल झाले. अग्निशमन दलाच्या कर्मचाऱ्यांनी तातडीने कार्यवाही करत आगीवर नियंत्रण मिळवले. अग्निशमन दलाच्या कर्मचाऱ्यांनी केलेल्या वेळेवर हस्तक्षेपामुळे आग शेजारच्या घरांमध्ये पसरण्यापासून रोखली गेली. त्यामुळे, अंदाजे १० लाख रुपयांची मालमत्ता वाचवण्यात यश आले.
फायर ऑफिसर प्रकाश कन्नैक यांच्या नेतृत्वाखालील पथकाने ही आग विझवण्याची मोहीम यशस्वी केली. या पथकात अग्निशमन दलाचे जवान दत्ताराम चारी, अक्षय सावंत, विश्वनाथ कोरगावकर आणि चालक गोविंद देसाई यांचा समावेश होता. आग लागल्याच्या नेमक्या कारणांचा अधिक तपास सध्या सुरू आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.