Goa Environment Film Festival 2023: भारताच्या अध्यक्षतेखाली आयोजित केल्या जाणाऱ्या जी-20 परिषदेच्या पार्श्वभुमीवर पहिल्या गोवा पर्यावरणीय चित्रपट महोत्सवाचे आयोजन 3 जूनपासून करण्यात येणार आहे.

महत्वाच्या पर्यावरणीय मुद्यांवर प्रकाश टाकणाऱ्या चित्रपटांवर आधारीत हा महोत्सव आहे. 3 जून ते 5 जून या काळात हा महोत्सव होणार आहे. गोवा मनोरंजन सोसायटी, कांपाल येथे या महोत्सवाचे आयोजन करण्यात आले आहे. महोत्सवकाळात जगभरातील 50 हून अधिक चित्रपट पाहायला मिळणार आहेत.

या महोत्सवासाठी नोंदणी सुरू झाली आहे. या महोत्सवात सहभागी होण्यासाठी www.goaeff.in या संकेतस्थळावर नोंदणी करावी लागेल. गोव्याच्या माहिती आणि प्रसिद्धी खात्यातर्फे या महोत्सवाचे आयोजन करण्यात आले आहे.