सासष्टी: सध्या कदंब वाहतूक महामंडळाकडे ६०० बसेस आहेत. त्यातील १५० इलेक्ट्रिक बसेस आहेत. पणजी स्मार्ट सिटीसाठी ४८ बसेसचा वापर केला जातो. आमचा नवीन इलेक्ट्रिक बसेस घेण्याचा प्रस्ताव होता; पण आता तो रद्द करण्यात आला असून सरकारकडे आणखी ज्यादा डिझेल बसेसचा प्रस्ताव पाठवल्याचे नावेलीचे आमदार व कदंब वाहतूक महामंडळाचे अध्यक्ष उल्हास तुयेकर यांनी शनिवारी पत्रकारांना सांगितले.

ऑलेक्ट्रा ग्रीनटेक लिमिटेडकडे इलेक्ट्रिक बसेसची मागणी केली होती. त्यातील १५० बसेस मिळाल्या. महामंडळाने १० डिझेल बसेस विकत घेतल्या आहेत व या महिन्याच्या अखेरीस आणखी तीस नवीन डिझेल बसेस येणार आहेत.

महामंडळाने १५ वर्षे जुन्या बसेस बंद केल्या असल्याने बसची कमतरता भासते; पण नवीन बसेस आल्यानंतर काही प्रमाणात बसेसचा प्रश्न सुटेल, असे तुयेकर यांनी सांगितले.