पणजी: विधानसभा निवडणुका (Goa Election 2022) जाहीर झाल्यापासून 10 कोटी 37 लाख रुपयांची मुद्देमाल आणि रोकड जप्त करण्यात आली आहे. याबाबतची माहिती गोवा राज्याचे मुख्य निवडणूक अधिकारी कुणाल यांनी दिली आहे. निवडणूक आयोगाच्या (Goa Election Commission) भरारी पथकाच्या वतीने निवडणुका जाहीर झाल्यापासून 10 कोटी 37 लाख 98 हजार 803 रुपयांचा मुद्देमाल आणि रोख रक्कम जप्त केली.

यामध्ये 6 कोटी 55 लाख रुपयांची रोकड, 2 कोटी 44 लाख रुपयांची दारू, 1 कोटी 6 लाखांचे अंमली पदार्थ तर 2 लाख रुपयांचे सोने आणि 30 लाख रुपयांचे अन्य साहित्य जप्त केले.

अंतिम यादी

आयोगाने अंतिम यादी जाहीर केली. एकूण मतदारांची संख्या 11लाख 64 हजार 522 झाले असून 5 लाख 66 हजार 531 पुरुष तर 5 लाख 97 हजा 982 स्त्रिया आहेत. याशिवाय 76 परदेशी नागरिक मतदार आहेत. 9 तृतीयपंथी तर 41 सेक्सवर्कर आहेत. यापैकी 29 हजार 245 हे 80 वर्षांवरील मतदार आहेत.