Goa Deputy Speaker Joshua D'Souza Invites PM Modi to Wedding

म्हापसा: गोवा विधानसभेचे उपसभापती जोशुआ डिसुझा यांनी पंतप्रधान नरेंद्र मोदी यांना लग्नाचे आमंत्रण दिले आहे. जोशुआ यांनी नवी-दिल्लीत पंतप्रधान मोदींची भेट घेऊन त्यांना लग्नपत्रिका दिली. मोदींशी भेटीचा फोटो जोशुआ यांनी Instagram वर शेअर केला आहे.

म्हापसा मतदारसंघाचे आमदार व विधानसभेचे उपसभापती जोशुआ डिसुझा लवकरच लग्नाच्या बंधनात अडकणार आहेत. लग्नाचे आमंत्रण जोशुआ यांनी पंतप्रधान नरेंद्र मोदींना दिले.

पंतप्रधान नरेंद्र मोदी यांच्यासोबत यावेळी मनमोकळा संवाद झाला. मोदींना माझे वडील फ्रान्सिस डिसोझा यांची आठवण काढली. माझ्या वडिलांनी गोव्यासाठी दिलेल्या योगदानाचा मोदींनी उल्लेख केला. मोदींना माझ्या वडिलांच्या केलेल्या उल्लेखामुळे मी फारच भारवून गेलो, असे जोशुआ यांनी त्यांच्या पोस्टमध्ये म्हटले आहे.

पंतप्रधानांची नम्रता आणि जिव्हाळा यामुळे हा संवाद खरोखरच अविस्मरणीय झाला. या विशेष प्रसंगी त्यांचा मिळालेला वेळ, मार्गदर्शन आणि आशीर्वाद यासाठी मी कृतज्ञ आहे, असे जोशुआ यांनी म्हटले आहे.