Goa Crime: आमोणा-खांडोळा पुलावरून एका वृद्ध महिलेने मांडवी नदीत उडी मारल्याचा संशय व्यक्त केला जात आहे. कारण, या महिलेचे कपडे या पुलाच्या रेलिंगला बांधल्याच्या अवस्थेत असून तिचे चप्पलही तिथेच पडले होते. दरम्यान, पोलिस घटनास्थळी दाखल झाले असून संबंधित महिलेचा शोध सुरू करण्यात आला आहे.

लीलाबाई भोसले (वय अंदाजे 50) असे या महिलेचे नाव आहे. ही महिला मूळची काजीवाडा, विठ्ठलापूर, साखळी येथील असल्याचे समजते. त्यांचे मानसिक संतूलन बिघडल्याचे सांगितले जाते. त्यांच्या शेजारी असलेल्या एका व्यक्तीला पुलावरून येताना लीलाबाई पुलावर उभ्या असलेल्या दिसल्या. त्यांच्या हातात कपडेदेखील होते.

संबंधित व्यक्तीने घरी आल्यानंतर काही वेळाने लीलाबाई यांच्या घरी त्यांची चौकशी केली. त्यावेळी घरातल्यांना त्या पुलावर गेल्याचे कळले. त्यानंतर सर्वांनी जाऊन पुलावर पाहिले असता तिथे रेलिंगला बांधलेले कपडे दिसले तसेच तिथेच लीलाबाई यांचे कपडे पडले होते.