Goa Crime: ड्रग्ज प्रकरणात अटक करण्यात आलेल्या एका रशियन नागरीकाने आज, गुरूवारी म्हापसाती अतिरिक्त जिल्हा सत्र न्यायालयातून पळून जाण्याचा प्रयत्न केला. तथापि, एक्सॉर्ट पोलिसांनी त्याला शिताफीने पकडले.

त्याच्याविरोधात गुन्हा दाखल करण्यात आला आहे. पोलिस उपाधीक्षक जिवबा दळवी यांनी ही माहिती दिली.

आज, गुरूवारी दुपारी चारच्या सुमारास हा प्रकार घडला. मकसिन कुसानी असे या कैद्याचे नाव आहे. ड्रग्ज प्रकरणात अँटी नार्कोटिक्स सेलने त्याला अटक केली होती. त्याला सुनावणीसाठी न्यायालयात आणले जात असताना त्याने पोलिसांच्या तावडीतून पळून जाण्याचा प्रयत्न केला.

तथापि, तो 100 मीटर अंतरापर्यंत पळून गेलेला असतानाच एस्कॉर्ट पोलिसांनी पाठलाग करून त्याला पकडले. या प्रकरणी त्याच्यावर म्हापसा पोलिसांत गुन्हा दाखल झाला आहे. यानंतर मकसिन कुसानी याची कोलवाळ येथील मध्यवर्ती कारागृहात रवानगी करण्यात आली आहे.

ट्रान्सफर वॉरंटद्वारे म्हापसा पोलिस त्याचा ताबा घेतील. सध्या पोलिस निरीक्षक शितकांत नायक यांच्या देखरेखीखाली या प्रकरणाचा तपास केला जात आहे.