राज्यातील नद्यांमध्ये वावरणाऱ्या नौका आणि जहाजांनी नियमांचे उल्लंघन केल्यास यापूर्वी गुन्हेगारी स्वरूपाची कारवाई केली जात होती. मात्र, यापुढे गुन्हेगारी स्वरूपाची कारवाई केली जाणार नसल्याने तुरुंगवासाची शिक्षा होणार नाही. त्याऐवजी बंदर कप्तान खात्याने केवळ दंडात्मक कारवाईची तरतूद केली आहे. सरकारकडून यासंदर्भात आज अधिसूचना जारी करण्यात आली.

गोवा आंतरिक जहाज नोंदणी नियम आणि आंतरिक जहाज (बांधकाम आणि सर्वेक्षण) नियमात दुरुस्ती अधिसूचित केली आहे. गोवा आंतरिक नोंदणी नियमांचे उल्लंघन करणाऱ्या नौका आणि जहाजांना आता दहा हजार रुपयांपर्यंत दंड भरावा लागणार आहे.

केंद्र सरकारने सर्व कायद्यांतील गुन्हेगारीचा नियम हटवण्याची सूचना राज्य सरकारांना केली होती. व्यवसाय सोपा करण्याच्या उपक्रमाचा हा एक भाग असून अनेक कायद्यांमध्ये दुरुस्ती केली आहे. बंदर कप्तान खात्याच्या हा कायद्यात गुन्हेगारीचा नियम होता, तो मागे घेण्यासंदर्भात ही अधिसूचना आहे. यापुढे केवळ दंडात्मक कारवाई केली जाईल.

- विकास गावणेकर, बंदर कप्तान.