Goa Rape on Minor: गोव्यातील डिचोली येथे एका अल्पवयीन मुलीवर वारंवार बलात्कार केल्याचे समोर आले आहे. संबंधित मुलीच्या मित्रानेच हे कृत्य केले असून स्वप्निल माशेलकर (वय २२ वर्षे) असे संशयित आरोपीचे नाव आहे.

तो पर्येचा रहिवासी असून त्याला पोलिसांनी अटक केली आहे. त्याच्याकडे अधिक तपास केला जात आहे.

याबाबत डिचोली पोलिसांत पीडीत मुलीच्या आईने तक्रार दाखल केली आहे. तक्रारीत म्हटले आहे की, पर्येतील स्वप्निल गुरूदास माशेलकर या तरूणाने माझ्या अल्पवयीन मुलीसोबत विविध ठिकाणी वारंवार शरीरसंबंध ठेवले.

तसेच मुलीचा मोबाईल फोनही फोडला. तो म्हालशेकरवाडा पर्ये येथील रहिवासी आहे. या तक्रारीवरून डिचोली पोलिसांनी तत्काळ स्वप्निल माशेलकर याला अटक केली आहे. त्याच्याकडे अधिक चौकशी केली जात आहे.

दरम्यान, स्वप्निल हा पीडीत मुलीचा मित्र असल्याचे कळते. पीडीत मुलगी 17 वर्षांची आहे. स्वप्निलने तिला फूस लावून तिच्या मनाविरूद्ध तिच्याशी शारीरीक संबंध ठेवल्याचे कळते.

मुलीच्या आईला याबाबत माहिती कळाल्यावर त्यांनी लागलीच डिचोली पोलिसात तक्रार दाखल केली. पोलिस उपनिरीक्षक विकेश हडफडकर हे या प्रकरणात पुढील तपास करत आहेत.