कळंगुट येथील डोंगरपुर येथे एका महिलेचा मृत्यू झाल्याची घटना समोर आली आहे. माहितीनुसार ही महिला मूळची बिहारची असून तिचे नाव संजना सिन्हा (30) असल्याचे सांगण्यात येत आहे. संजनाचे तिच्या बॉयफ्रेंडसोबत काही कारणांवरून वाद झाले होते. त्यानंतर तिने हे टोकाचे पाऊल उचलले.

आज (8 जून) काही वेळापूर्वी तिने राहत्या घरी गळफास घेत आत्महत्या केली. ती बराच वेळ दार उघडत नसल्याचे शेजाऱ्यांच्या लक्षात आल्यानंतर त्यांनी खिडकी उघडून पहिले असता संजनाने गळफास घेतल्याचे दिसले. यानंतर शेजाऱ्यांनी रुग्णवाहिका आणि पोलिसांना बोलावण्यात आले. रुग्णालयात नेल्यावर तिला मृत घोषित करण्यात आले. पोलीस संबंधित घटनेचा पंचनामा करत आहेत.

दरम्यान, तिच्या बॉयफ्रेंडचा पोलीस शोध घेत असून मृत्यूमागील नेमके कारण काय याचाही तपास सुरू आहे.