मडगाव: नवीन वर्ष तोंडावर असताना गोवा पोलिसांकडून अनेक अमलीपदार्थांच्या गुन्ह्यांचा पर्दाफाश केला जातोय. गोवा पोलिसांनी उत्तर गोव्यात अशाच एका गुन्ह्यांचा पर्दाफाश केला. कोलवा येथून पोलिसांनी एका परप्रांतीय तरुणांकडून २.४० लाखांचा अमलीपदार्थ जप्त करण्यात आला आहे आणि अमलीपदार्थ बाळगल्याप्रकरणी पोलिसांनी सोनू कुमार चौहान नावाच्या २४ वर्षीय युवकाला अटक केली आहे. हा संशयित आरोपी मूळचा उत्तर प्रदेश येथील आहे.
कोलवा परिसरात एक माणूस संशयास्पद वाटत असल्याची माहिती पोलिसांना मिळाली होती आणि याचा तपास करत पोलिसांनी गवंडाळे कोलवा या ठिकाणी गस्त सुरु केली. इथे सापडलेल्या संशयित व्यक्तीची चौकशी केली असता त्याने म्हणावी तशी नीट उत्तरं दिली नाही आणि पोलिसांचा संशय बळावला.
अधिक चौकशी करताच संशयित सोनू कुमार चौहान नावाच्या माणसाकडे त्यांना २ किलो ४०१ ग्रॅम गांजा आढळून आला. बाजारभाव तपासून पहिला तर याची किंमत २ लाख ४१ हजार रुपयांच्या घरात जाते. सोमवारी (दि. २९ डिसेंबर) रोजी रात्री या संशयिताला अटक करण्यात आली आणि अमलीपदार्थ विरोधी कायद्यांतर्गत त्याच्या विरोधात गुन्हा दाखल करण्यात आला आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.