गोवा: मैना-कुर्तोरीम (Goa Crime case) पोलिसांनी ज्या महिलेचा सांगाडा रुमदर, नुवेम येथे सापडला होता तिच्या हत्येप्रकरणी खुनाचा गुन्हा दाखल केला आहे, त्यांनी या प्रकरणात माहिती देणाऱ्यास 25,000 रुपयांचे बक्षीस ठेवले आहे.

माहिती देणाऱ्याचा तपशील उघड केला जाणार नाही, असे पोलिसांनी (Police) सांगितले. महिलेची (Women) अद्याप ओळख पटलेली नसून तपास सुरू असल्याचे पोलिसांनी सांगितले. नुवेम येथील शेतात रविवारी एका महिलेचा सांगाडा सापडला होता. पोलिस फॉरेन्सिक तज्ज्ञांच्या म्हणण्यानुसार पोलिसांनी घटनास्थळावरून 141 हाडे जप्त केली आहेत; तसेच महिलेचे लांबसडक केस, हिरव्या बांगड्या आणि मणी असलेला पिवळ्या रंगाचा धागाही पोलिसांना सापडला आहे.