Goa Crime Brach : गोव्यातील गुन्हेगारीचे प्रमाण दिवसेंदिवस वाढत आहे. अमली पदार्थांची तस्करी, मद्याचा अवैध साठा, मारामारी, खून आणि अत्याचाराच्या घटना आता रोजच्या बनल्या आहेत. महिलांवर होणारे अत्याचार अजूनही पूर्णपणे थांबले नाहीत. अशीच एक धक्कादायक घटना सांगोल्डा येथे घडली आहे. (Goa Crime Branch rescued three women from a sexual workers racket)

गुन्हा अन्वेषण विभागाच्या क्राइम ब्रॅंच (Goa Crime Branch) पोलीस निरीक्षक राहुल परब यांनी काल संध्याकाळी सांगोल्डा येथे वेश्याव्यवसाय प्रकरणी घातलेल्या छाप्यात वेश्या दलाल अफिझ सय्यद बिलाल (37) याला अटक केली आहे. त्याने ग्राहकांना देण्यासाठी आणलेल्या तीन महिलांनाही पोलिसांनी ताब्यात घेतले असून त्यांची रवानगी मेरशी येथील महिला सुधारगृहात करण्यात आली आहे. या तिन्ही महिला महाराष्ट्र आणि तेलंगणा येथील आहेत. यातील एका महिलेने टिव्ही चॅनलवर काम केलेले आहे.

यामध्ये अजूनही महिला अडकल्या आहेत का याचा सविस्तर तपास पोलीस करत आहेत.