COVID-19 variant JN.1: गोव्यात गेल्या 24 तासांत 9 नवीन कोविड-19 प्रकरणांची नोंद झाल्याची माहिती समोर आलीय. तर गेल्या 24 तासांत 10 जण कोरोना मुक्त झाल्याची माहिती मिळाली आहे. आजपर्यंत सक्रिय प्रकरणांची संख्या 60 च्या वर गेली असली तरी सुदैवाने कुणाचाही मृत्यू झाला नाही.
नवीन आढळलेल्या 9 कोरोना रूग्णांना होम आयसोलेशनमध्ये ठेवण्यात आले आहे. गेल्या 24 तासांत राज्यात कोरोनाच्या एकूण 251नवीन चाचण्या झाल्या होत्या. त्यातून नवीन 9 रूग्ण आढळून आले आहेत. सध्या राज्यातील सक्रीय रूग्णांची संख्या 60 वर पोहचली आहे.
सध्या गोव्यात सनबर्न आणि नववर्षाच्या पार्श्वभूमीवर मोठ्या संख्येने देश-विदेशी पर्यटक येत आहेत. त्यातच आता कोरोनाच्या JN.1 या नव्या व्हेरियंटचे रूग्ण आढळू लागले आहेत.
त्यात गोवा हे देशातील एक हॉटस्पॉट ठरत आहे. काही वर्षांपूर्वी कोरोनाने भारतासह जगभरात थैमान घातले असल्याने साहजिकच या नव्या व्हेरियंटचे रूग्ण वेगाने सापडू लागल्याने सर्वत्र चिंता व्यतक केली जातेय.
मात्र असं असलं तरी प्रत्येक व्यक्तीने आवश्यक ती खबरदारी आणि उपाययोजना केल्यास आपण आपली ताब्यात चांगली राखू शकतो.
यासाठी शक्यतो गर्दीच्या ठिकाणी जाणे टाळावे, जाणे अपरिहार्य असल्यास मास्क वापरावा. बाहेरून जाऊन आल्यावर कटाक्षाने हात-पाय धुवावेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.