amit patkar  Dainik Gomantak
गोवा

Prepaid Smart Meters: प्रीपेड स्मार्ट मीटर जोडणी कायमस्वरुपी बंद करा! अमित पाटकरांचा वीज खात्याला 15 दिवसांचा अल्टीमेटम

amit patkar 15 day ultimatum goa govt: प्रीपेड स्मार्ट मीटर जोडणी तात्पुरती नव्हे, तर कायमस्वरूपी बंद करावी, अशी मागणी गोवा प्रदेश काँग्रेसचे माजी अध्यक्ष अमित पाटकर यांनी केली आहे.

दैनिक गोमन्तक डिजिटल

पणजी: प्रीपेड स्मार्ट मीटर जोडणी तात्पुरती नव्हे, तर कायमस्वरूपी बंद करावी, अशी मागणी गोवा प्रदेश काँग्रेसचे माजी अध्यक्ष अमित पाटकर यांनी केली आहे. यासाठी त्यांनी वीज खात्याला पंधरा दिवसांची मुदत दिली असून, मागणी मान्य न झाल्यास विद्युत भवनासमोर तीव्र आंदोलन छेडण्याचा इशारा दिला आहे.

पाटकर यांच्या नेतृत्वाखालील शिष्टमंडळाने सोमवारी विद्युत भवनात वीज खात्याच्या वरिष्ठ अभियंत्यांना निवेदन सादर केले. त्यानंतर पत्रकारांशी बोलताना पाटकर म्हणाले की, सरकारने स्मार्ट मीटर जोडणी थांबवल्याचे जाहीर केले असले, तरी नवीन वीजजोडणी देताना, नवीन बांधकामांमध्ये तसेच जुने मीटर बदलताना स्मार्ट मीटर बसवले जात आहेत. त्यामुळे ग्राहकांना पूर्वीपेक्षा दहापट जास्त वीजबिले येत असल्याचा दावा त्यांनी केला. ग्राहकांवर स्मार्ट मीटर बसवण्याची सक्ती करू नये, असेही त्यांनी सांगितले.

औद्योगिक व अन्य क्षेत्रांतील ग्राहकांना स्मार्ट मीटर बसवण्यास हरकत नसली, तरी घरगुती ग्राहकांना सक्ती करू नये, अशी काँग्रेसची (Congress) भूमिका असल्याचे पाटकर यांनी स्पष्ट केले. स्मार्ट मीटरच्या माध्यमातून वीज खाते खासगी उद्योगपतीच्या ताब्यात देण्याचा सरकारचा विचार असल्याचा आरोपही त्यांनी केला. काँग्रेसचे ज्‍येष्‍ठ नेते लोकसभा खासदार राहुल गांधी हे आपले नेते असल्याने त्यांच्या स्वागताचे पोस्टर फेसबुक पेजवर प्रसिद्ध केल्याचे पाटकर यांनी सांगितले.

जोडणी तात्पुरती बंद : वीज खाते

वीज खात्याचे मुख्य अभियंता स्टीफन फर्नांडिस यांनी सांगितले की, मुख्यमंत्र्यांच्या निर्णयानंतर घरगुती वीज ग्राहकांसाठी स्मार्ट मीटर जोडणी तात्पुरती बंद करण्यात आली आहे. असे असतानाही काही लोक वारंवार याच विषयावर खात्यात का येतात, हे आपल्याला माहीत नाही. या विषयावर सध्या अधिक भाष्य करणे शक्य नसल्याचेही त्यांनी स्पष्ट केले.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Bird Flu Vaccine: बर्ड फ्लूविरुद्ध भारताने बनवली स्वदेशी लस; 20 नोव्हेंबरला होणार लाँच

Quad Summit 2026: 'क्वाड' हिंद-प्रशांतचा विश्वासार्ह भागीदार; मोदींचा सागरी सुरक्षा, तंत्रज्ञान अन् सहकार्यावर भर

ICC ODI Batting Rankings: वनडे रँकिंगमध्ये मोठा फेरबदल! शुभमन गिल आणि विराट कोहलीची बादशाहत कायम, रोहित-श्रेयसला झटका

Kendra Drishti Yog 2026: भाग्य उजळणार संयोग! सूर्य-गुरुच्या केंद्र दृष्टीने 5 राशींना मिळणार अफाट संपत्ती; आर्थिक लाभाची पर्वणी

IPL Auction Date: BCCI कडून IPL 2027 ऑक्शनची तारीख जाहीर, 16 डिसेंबरला गोव्यात खेळाडूंवर लागणार कोटींची बोली; पैशांचा पडणार पाऊस

SCROLL FOR NEXT