Colvale jail: कोलवाळ कारागृह नेहमीच विविध कारणांमुळे चर्चेत असते. आता पुन्हा या कारागृहाशी संबंधित एक धक्कदायक बाब समोर येतेय. कारागृहातील मोबाईल तस्करीप्रकरणी एका महिलेला IRB कर्मचार्‍यांनी पकडले असल्याची प्राथमिक माहिती समोर आलीय.

सदर महिला तिच्या कपड्यात लपवून मोबाईल फोन आणि चार सिमकार्डच्या तस्करीचा प्रयत्न करत असल्याची प्राथमिक माहिती प्राप्त झाली आहे.

दरम्यान कारागृहातील एका अंडर-ट्रायल असलेल्या रशियन कैद्याला ती हे सर्व साहित्य देत असल्याचीही माहिती समजतेय.

सदर महिला आणि तो रशियन कैदी यांचा नेमका काय संबंध आहे तसेच या कृत्यामध्ये अजून किती जणांचा समावेश आहे याचा शोध पोलीस घेत आहेत. या प्रकारामुळे कारागृहाच्या सुरक्षाव्यवस्थेवर प्रश्नचिन्ह निर्माण झाले आहेत.

काही दिवसांपूर्वी कारागृहाचा सुरक्षारक्षक कैद्यांना गांजा पुरवत असल्याचा प्रकार उघडकीस आला होता. त्याच्या बुटाच्या सोलमध्ये गांजा सापडला आहे.