साखळी: गोव्याचे मुख्यमंत्री डॉ. प्रमोद सावंत हे पुण्यातील उपचार पूर्ण करून गोव्यात परतले आहेत. मुलीच्या भेटीसाठी पुण्यात गेले असताना मुख्यमंत्र्यांना अचानक प्रकृतीचा त्रास जाणवला होता. मात्र, आता ते पूर्णपणे बरे झाले असून गोव्यात पाऊल ठेवताच त्यांनी विश्रांतीऐवजी जनसेवेला प्राधान्य दिले आहे. आज सकाळी त्यांनी आपल्या साखळी मतदारसंघातील रवींद्र भवन येथे स्थानिक नागरिकांची भेट घेऊन त्यांच्याशी संवाद साधला.

मुख्यमंत्री प्रमोद सावंत हे पुण्यात गेले असताना, गुरुवारी त्यांच्या छातीत अचानक वेदना होऊ लागल्या. परिस्थितीचे गांभीर्य ओळखून त्यांना तातडीने पुण्यातील प्रसिद्ध 'रुबी हॉल क्लिनिक'मध्ये दाखल करण्यात आले होते. त्यांच्या प्रकृतीत सुधारणा होताच त्यांना रुग्णालयातून सुटी देण्यात आली आणि ते गोव्याला रवाना झालेत.

आरोग्याबाबतच्या अफवांना पूर्णविराम

मुख्यमंत्र्यांना रुग्णालयात दाखल केल्याची बातमी वाऱ्यासारखी पसरताच सोशल मीडिया आणि राजकीय वर्तुळात त्यांच्या प्रकृतीबाबत विविध चर्चांना उधाण आले होते. मात्र, आज साखळीतील रवींद्र भवन येथे जेव्हा मुख्यमंत्री प्रत्यक्ष हजर झाले, तेव्हा या सर्व चर्चांना पूर्णविराम मिळाला.

तेथील नागरिकांनी जेव्हा साशंकतेने त्यांच्या तब्येतीची विचारपूस केली, तेव्हा मुख्यमंत्र्यांनी अत्यंत उत्साहात आणि हसतमुखाने सर्वांना उत्तर दिले. संवाद दरम्यान डॉ. प्रमोद सावंत यांनी उपस्थितांना आश्वस्त केले की, "शस्त्रक्रियेनंतर मी आता पूर्णपणे ठणठणीत आहे.