महाराष्ट्रातील राजकारण मागील दिवसांपासून चांगलंच गाजत असताना गोव्याचे मुख्यमंत्री प्रमोद सावंत उद्या मुंबई दौऱ्यावर येणार आहेत. त्यामुळे राजकीय खलबतांना पुन्हा एकदा सुरुवात झाली आहे. गोवा विधानसभा निवडणुकीत घवघवीत यश मिळवून पुन्हा एकदा भाजपने सत्ता स्थापन केली. मात्र मुख्यमंत्री पदावरुन गोवा भाजपमध्ये दोन गट तयार झाले होते. मुख्यमंत्री पदाची माळ आरोग्यमंत्री विश्वजित राणे (Vishwajit Rane) यांच्या गळ्यात पडणार की, प्रमोद सावंत यांची पुन्हा एकदा मुख्यमंत्री पदावर वर्णी लागणार याकडे अवघ्या गोवेकरांचा लक्ष लागलं होतं. मात्र अखेर प्रमोद सावंत (Chief Minister Pramod Sawant) यांना पुन्हा एकदा गोव्याचे मुख्यमंत्री बनवण्यात आले.

दरम्यान, गोव्याचे मुख्यमंत्री प्रमोद सावंत उद्या मुंबईला (Mumbai) येत असल्याने अनेक राजकीय तर्क-वितर्क लढवले जात आहेत. गोव्याचे प्रभारी आणि महाराष्ट्र विधानसभा विरोधी पक्षनेते देवेंद्र फडणवीस (Devendra Fadnavis) यांची भेट घेणार असल्याचेही सांगण्यात येत आहे. त्यामुळे पुन्हा एकदा राजकीय सत्ता समीकरणांना वेग आला आहे. दुपारी दोन वाजता भाजप प्रदेश कार्यालयात मुख्यमंत्री प्रमोद सावंत उपस्थित राहणार असल्याचे सांगण्यात येत आहे.