Goa News: श्रीस्थळ येथील श्री मल्लिकार्जुन देवालयाच्या मालकीच्या जमिनीवरील अतिक्रमणास प्रतिबंध करण्यासंदर्भात देवालयाच्या महाजनांनी 31 जुलैच्या आमसभेत ठराव घेतला होता. त्याची कार्यवाही सध्या सुरु आहे, अशी माहिती देवालय समितीचे अध्यक्ष विठोबा देसाई यांनी दिली.
दरम्यान, त्याच कार्यवाहीचा एक भाग म्हणून पाळोळे येथील देवालय मालकीच्या 7500 चौ. मीटर जमिनीपैकी अतिक्रमण करून राहिलेली जमीन भविष्य काळातील अतिक्रमणे रोखण्यासाठी राखून ठेवण्यात येत आहे. भविष्यात देवालय जमिनीवर अतिक्रमण होऊ नये, यासाठी जागा आरक्षित केली असून देवालयाच्या सर्व महाजनांची पाठिंबा व समंती असल्याचे देसाई यांनी सांगितले.
मोकळ्या जागा ताब्यात घेणे सुरू !
भाटपाल, मोखर्ड व पाळोळे येथे देवालय मालकीची बागायती जमिनी होत्या. त्या जमिनीत ही देवालय समितीने लागवड केली आहे. देवालय मालकीच्या जमिनीवर येथील काही रहिवाशांनी अतिक्रमण केले आहे. भविष्यात अशा अतिक्रमणांना चाप बसावा यासाठी राहिलेल्या मोकळ्या जागा ताब्यात घेण्यासाठी प्रयत्न करण्यात येत आहे, असे विठोबा देसाई यांनी सांगितले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.