पणजी: खाण ई–लिलावात खाणपट्टा जिंकलेल्या ‘मेसर्स रॉयलाईन रिसोर्सेस प्रायव्हेट लिमिटेड’ या कंपनीला संबंधित पट्ट्यात खनिज माल कमी मिळाल्याने या कंपनीकडून निर्धारित सुमारे ६.५० कोटींपैकी केवळ १२ लाख रुपयेच घेण्याचा निर्णय राज्य मंत्रिमंडळाने घेतला आहे.
खाण लिलावात मेसर्स रॉयलाईन रिसोर्सेस प्रायव्हेट लिमिटेड या कंपनीने जो खाणपट्टा जिंकलेला होता, त्यासाठी कंपनीने खाण खात्याला सुमारे ६.४५ कोटी देण्याचे निश्चित केलेले होते. परंतु, माल हाताळत असताना तो सुमारे ६.३२ कोटीच्या रकमेइतकाही नसल्याचे समोर आले. त्यामुळे या कंपनीने खाण खात्याकडे नुकसान भरपाई देण्याचा किंवा मूळ रकमेतून ६.३२ कोटींची रक्कम कमी करण्याचा दावा केलेला होता.
काही दिवसांपूर्वी झालेल्या राज्य मंत्रिमंडळाच्या बैठकीत हा विषय चर्चेला आलेला होता. त्यात मेसर्स रॉयलाईन रिसोर्सेस प्रायव्हेट लिमिटेडच्या दाव्यानुसार कंपनीकडून केवळ १२.६८ लाख रुपयेच घेण्यास मंजुरी देण्यात आली आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.