Goa Cabinet Reshuffle

पणजी: मंत्रिमंडळात कधी बदल करायचा, हा मुख्यमंत्र्यांचा विषय असल्याचे सभापती रमेश तवडकर यांंनी आज सावईवेरे येथे नमूद केले. काल (शुक्रवारी) केपे येथे त्यांनी मंत्रिमंडळ फेरबदलाचा विषय १५ दिवसांत मार्गी लागेल, असे विधान केले होते.

त्यांच्या विधानामुळे भाजपमध्ये मोठी चर्चा सुरू झाली होती. अखेर माध्यमांमध्ये आलेलीच नावे घेतल्याचे सांगून या विषयावर पडदा टाकण्याचा प्रयत्न तवडकर यांनी केला आहे. ते म्हणाले, मंत्रिमंडळ फेरबदल हा मुख्यमंत्र्यांच्या अखत्यारीतील विषय आहे. ते त्यांना हवे तेव्हा मंत्रिमंडळात बदल करतील. माध्यमांत या विषयी आलेल्या नावांचा पुनरूच्चार मी केला होता.

अहंकारी मंत्र्यांची दिली मुख्यमंत्र्यांना माहिती

अहंकारी मंत्र्यांबाबत मुख्यमंत्र्यांना माहिती दिल्याचे सभापतींनी आज पुन्हा एकदा सांगितले. यापूर्वीही त्यांनी सभापतींच्या सूचना मंत्री ऐकत नाहीत तर सर्वसामान्यांचे काय, असा प्रश्न विचारला होता. आता त्यांच्या मनात असलेल्या मंत्र्याला वगळले जाणार का, याकडे नजरा लागल्या आहेत.