पणजी: येत्या आर्थिक वर्षाचा विधानसभेत मांडलेला अर्थसंकल्प हा फुगा आहे. फुग्याप्रमाणे तो बाहेरून चांगला दिसतो, मात्र फुग्यात जसे हवे, व्यतिरिक्त काही नसते, तसे या अर्थसंकल्पात काही नाही, अशी टीका फातोर्ड्याचे आमदार विजय सरदेसाई यांनी विधानसभेत केली.

ते म्हणाले, गेल्या वर्षीच्या तुलनेत राज्यातील जनतेचे दरडोई उत्पन्न तब्बल एक लाख ५१ हजार रुपयांनी घटले आहे. याचा अर्थ सरकार जनतेचे दिवाळी काढण्यास निघाले आहे, असा होतो, अशी पोस्ट टीका करून ते म्हणाले, अर्थसंकल्पातील आकडेवारी आणि आर्थिक सर्वेक्षणातील आकडेवारी जुळत नाही. एकतर अर्थ खाते बरोबर असेल किंवा नियोजन सांख्यिकी खाते बरोबर असेल.

सरकार आनंदाच्या निर्देशांकात गोवा वरच्या क्रमांकावर असल्याचा दावा करते, प्रत्यक्षात सरकारमधील आमदार मंत्री आणि त्यांचे दलाल हेच आनंदात आहेत. राज्य सकल उत्पादनाच्या पाच टक्के रक्कम आरोग्य क्षेत्रावर खर्च करणे आदर्शवत असताना राज्यात केवळ १.६ टक्के रक्कमच आरोग्यासाठी खर्च केली जाते.

या साऱ्यामुळे बस्स आता सहन होत नाही,अशी जनभावना तयार झाल्याचे नमूद करून त्यांनी पुढील अर्थसंकल्प आमचे सरकार जनतेला दिलासा देणारा असा सादर करेल, अशी पुष्टी सरदेसाई यांनी जोडली.