वाळपई : सत्तरी तालुक्यातील अनेक सरकारी माध्यमिक विद्यालयांचा दहावीचा निकाल शंभर टक्के लागला. गोवा शालांत मंडळातर्फे काल सायंकाळी दहावीचा निकाल जाहीर करण्यात आला. सरकारी माध्यमिक विद्यालयानी यंदा विक्रमी कामगिरी केली आहे.

सरकारी माध्यमिक विद्यालय गुळेली, अडवई, नगरगाव, ठाणे, वाळपई, दाबे, सुर्ल, केरी तसेच श्री भूमिका हायस्कूल, विवेकानंद केरी यांचा शंभर टक्के निकाल लागला. विवेकानंद मंदिर केरी यांचा निकाल शंभर टक्के लागला. येथे 33 विद्यार्थी परीक्षेला बसले होते. सरकारी विद्यालय सुर्ला सत्तरीचा निकाल शंभर टक्के लागला. 14 विद्यार्थी परीक्षेला बसले होते, ते सर्व उत्तीर्ण झाले. सरकारी हायस्कूल दाबे येथील 7 विद्यार्थी परीक्षेला बसले होते. ते सर्व उत्तीर्ण हाेऊन शंभर टक्के निकाल लागला.

सरकारी हायस्कूल ठाणे-सत्तरी येथील 32 विद्यार्थी दहावीच्या परीक्षेला बसले होते. त्यापैकी सर्वजण उत्तीर्ण होऊन शंभर टक्के निकाल लागला. सरकारी हायस्कूल नगरगाव येथील 32 विद्यार्थी परीक्षेला बसले होते. त्यापैकी सर्व उत्तीर्ण होऊन शंभर टक्के निकाल लागला. श्री भूमिका हायस्कूलचा निकाल शंभर टक्के लागला. एकूण 82 विद्यार्थी परीक्षेला बसले होते ते सर्व उत्तीर्ण झाले.

सरकारी हायस्कूल अडवई येथील 39 विद्यार्थी परीक्षेला बसले होते. त्यापैकी सर्व उत्तीर्ण होऊन शंभर टक्के निकाल लागला. सरकारी हायस्कूल गुळेली येथील 28 विद्यार्थी परीक्षेला बसले होते. त्यापैकी सर्व उत्तीर्ण होऊन शंभर टक्के निकाल लागला. सरकारी हायस्कूल केरी येथील 60 विद्यार्थी परीक्षेला बसले होते. त्यापैकी सर्व उत्तीर्ण होऊन शंभर टक्के निकाल लागला. सरकारी हायस्कूल वाळपई येथील 24 विद्यार्थी परीक्षेला बसले होते. त्यापैकी सर्व उत्तीर्ण होऊन शंभर टक्के निकाल लागला.

सरकारी हायस्कूल भुईपाल यांचा 93.75 टक्के निकाल लागला. तसेच सरकारी हायस्कूल हाेंडा 91.3 टक्के, श्रीराम हायस्कूल खडकी 95.83 टक्के, सरकारी हायस्कूल सावर्डे 83.33 टक्के, सरकारी हायस्कूल माेर्ले 94.44 टक्के, सरकारी हायस्कूल पिसुर्ले 91.3 टक्के, सरकारी हायस्कूल शेळप 91.67 टक्के, श्री हनुमान हायस्कूल वाळपई 94.52 टक्के, युनिटी हायस्कूल वाळपई 92.59 टक्के, हाेंडा हायस्कूल 53.85 टक्के, नॅशनल हायस्कूल वाळपई 66.67 टक्के व अवरलेडी हायस्कूल वाळपई 92.47 टक्के निकाल लागला आहे.