Impact of BJP-MGP alliance on Goa elections 2027 Dainik Gomantak
गोवा

Goa Assembly Election: भाजप 'मगो'ला सोबत घेऊनच विधानसभा लढणार; ढवळीकरांना दिल्लीत आश्वासन

Goa BJP And MGP Crisis: तुमच्या साथीनेच पुढील निवडणूक लढवू; भाजपचे 'मगो' नेत्यांना आश्वासन

गोमंतक ऑनलाईन टीम

पणजी: भाजप 'मगो'ला सोबत घेऊनच विधानसभा निवडणूक लढवली जाईल, असे आश्वासन पदरात पाडून 'मगो'चे नेते दिल्लीहून राज्यात परतले आहेत. असे असले तरी निवडणुकीपूर्वी राजकीय सर्वेक्षणानंतर कोणी कुठे निवडणूक लढवायची ते ठरेल, असे सांगून भाजप नेत्यांनी राजकीय डाव आपल्या हातीच ठेवलेला आहे.

'मगो'चे अध्यक्ष दीपक ढवळीकर यांच्या म्हणण्यानुसार त्यांची दिल्ली भेट ही पूर्वनियोजित होती. त्याच दरम्यान आधी मांद्रेमध्ये आणि नंतर प्रियोळमध्ये खुद्द मुख्यमंत्री डॉ प्रमोद सावंत यांच्याकडून राजकीय वक्तव्ये केली गेली. त्यामुळे भाजप मगोची युती राहील की नाही याविषयी शंका निर्माण झाली. त्यामुळे तोही विषय दिल्लीतील बैठकीत उपस्थित केला.

विधानसभा निवडणुकीनंतर आम्हाला भाजपच्या नेत्यांनी दिल्लीत बोलावून युती हवी असे सांगितले होते. मुख्यमंत्र्यांच्या वक्तव्यामुळे त्यात बदल झाला की काय अशी शंका आली होती. भाजपच्या नेत्यांनी निःसंशयपणे युती राहील आणि आगामी निवडणुकीला दोन्ही पक्ष एकत्रितपणे सामोरे जातील असे स्पष्ट केले आहे.

प्रियोळबाबत मुख्यमंत्र्यांची दिशाभूल

दीपक ढवळीकर प्रियोळ मतदार संघातून दीपक ढवळीकर निवडणूक लढवण्याची तयारी करत आहेत असा चुकीचा अर्थ कोणीतरी काढला. ती चुकीची माहिती मुख्यमंत्र्यांना देऊन त्याने त्यांची दिशाभूल केली, असा आरोपही ढवळीकर यांनी केला. मुख्यमंत्र्यांची त्यात काही चूक नाही. स्थानिक पातळीवर मिळालेल्या माहितीच्या आधारेच राजकीय वक्तव्ये केली जातात, असेही ते म्हणाले

सर्वेक्षणानंतरच कोणी कुठून लढायचे ठरेल!

'मगो'चे कार्यकर्ते अनेक मतदारसंघात आहेत. त्यांचे मनोबल उच्च ठेवण्यासाठी नेत्यांनी त्या त्या मतदारसंघात बैठका घ्याव्या लागतात. प्रत्येक पक्ष तसे करत असतो. याचा अर्थ तो पक्ष तेथूनच निवडणूक लढवणार आहे, असा होत नाही. निवडणुकीआधी राजकीय सर्वेक्षण होईल आणि त्याच्यातूनच कोणी कुठे निवडणूक लढवायची हे ठरेल, असे भाजप नेत्यांनी स्पष्ट केल्याचेही ढवळीकर यांनी सांगितले आहे

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Goa Jobs: गोवा सरकारचे आश्वासक पाऊल! खासगी नोकऱ्यांसाठी धोरण आणणार; GHRDC च्या माध्यमातून होणार भरती

Goa Assembly: 'कृषी पर्यटनाला चालना, 7 क्लस्टरची स्थापना होणार'; विधानसभेत मुख्यमंत्र्यांनी दिली माहिती

Anjunem Dam: चारही दरवाजे उघडले, अंजुणे धरणातून विसर्ग सुरू; धरण क्षेत्रात मुसळधार पाऊस

Goa Assembly: वाढत्‍या 'घटस्‍फोटांना' बसणार चाप! गोवा सरकार करणार समुपदेशन; CM सावंतांनी दिली माहिती

'पोगो'वरुन गदारोळ, युरी आलेमावांनी गॅझेट फाडून हवेत भिरकावले, खुर्च्या उचलण्याचा प्रयत्न; MLA वीरेश बोरकरांना काढले सभागृहातून बाहेर

SCROLL FOR NEXT