पणजी: पंतप्रधान नरेंद्र मोदी (PM Modi) यांच्या सुरक्षा व्यवस्थेत झालेल्या हलगर्जीपणामुळे काँग्रेसचे (Congress) पंजाबमधील (Punjab Government) सरकार बरखास्त करण्याची मागणी भाजपने BJP) केली.त्यानिमित्त राजधानी पणजीत (Panaji) भाजप कार्यकर्त्यांनी मशाल मिरवणूकही काढली. त्यानंतर राष्‍ट्रपती रामनाथ कोविंद (Ram Nath Kovind) यांना लिहिलेले निवेदन गोवा राजभवानावर जाऊन राज्यपालांना देण्यात आले.

गोव्यातील भाजप आमदार आणि नेत्यांचे शिष्टमंडळ मिळून गोवा राज्यपाल पीएस श्रीधरन पिल्लई यांची भेट घेतली यावेळी पंजाबमधील उड्डाणपुलावर पंतप्रधान मोदींच्या ताफ्याला अडकून पडलेल्या सुरक्षेचा भंग झाला या कारणास्तव पंजाब सरकार बरखास्त करण्याची मागणी राष्ट्रपतींना लिहिलेल्या पत्रात केली असल्याचे गोव्याचे मुख्यमंत्री प्रमोद सावंत (Pramod Sawant) यांनी सांगितले.

काल संध्याकाळी भाजपतर्फे मुख्यमंत्री डॉ. प्रमोद सावंत (Pramod Sawant), प्रदेशाध्यक्ष सदानंद शेट तानावडे, सरचिटणीस अॅड. नरेंद्र सावईकर, महसूलमंत्री जेनिफर मोन्सेरात, संघटन सचिव सतीश धोंड, खजिनदार संजीव देसाई, आमदार आंतोनिओ फर्नांडिस व फ्रान्सिस सिल्वेरा यांच्या शिष्टमंडळाने राज्यपाल पी. एस. श्रीधरन पिल्लई यांची राजभवनावर जाऊन भेट घेतली. आणि पणजीमध्ये भाजप कार्यकर्त्यांनी मशाल मिरवणूकही काढली.