Bicholim Dengue Case मलेरिया आदी साथीचे आजार नियंत्रणात असले, तरी डिचोलीत ‘डेंग्यू’ अद्याप पूर्णपणे नियंत्रणात आलेला नाही. शहरासह डिचोलीतील वेगवेगळ्या भागात ‘डेंग्यू’ची साथ कायम असून, अजूनही डेंग्यूचे सहा रुग्ण असल्याची माहिती डिचोलीच्या सामाजिक आरोग्य केंद्राच्या सूत्रांकडून मिळाली आहे.

डिचोलीत डेंग्यूचे सहा रुग्ण आढळून आले असले, तरी परिस्थिती गंभीर नाही. असा दावा आरोग्य अधिकाऱ्यांनी केला आहे. राज्यातील काही भागात ‘डेंग्यू’ने डोके वर काढले असून, डिचोलीत ‘डेंग्यू’चे सहा रुग्ण आढळून आल्याची माहिती समोर आली आहे.

हावजिंग बोर्ड, मेणकूरेसह मये परिसरात तीन मिळून ‘डेंग्यू’चे सहा रुग्ण आढळून आले आहे. या बाहेरील केसी आहेत. नोकरी-व्यवसाय आणि अन्य कारणांमुळे डिचोलीबाहेर प्रवास ठिकाणी लागण झाली आहे, अशी माहिती आरोग्य अधिकारी डॉ. मेधा साळकर यांनी दिली आहे.

पावसाळी आजार नियंत्रणात आणण्यासाठी डिचोलीच्या सामाजिक आरोग्य केंद्रातर्फे प्रतिबंधात्मक उपाययोजना हाती घेण्यात आल्या असतानाच, ‘डेंग्यू’चे रुग्ण आढळून आल्याने जनतेमध्ये भीती पसरली आहे.

पावसाळ्यात मलेरिया, डेंग्यू आदी साथीच्या आजरांचा फैलाव होऊ नये. यासाठी आरोग्य केंद्रातर्फे आवश्यक ती काळजी घेण्यात येत आहे, अशी माहिती आरोग्य अधिकारी डॉ. साळकर यांनी दिली.