पणजी: बाणावली समुद्रकिनाऱ्यावर पर्यटक आणि स्थानिकांसाठी आकर्षण ठरणारा एक अद्भुत नजारा पाहायला मिळाला आहे. सध्या गोव्यात काही विशेष पाहुण्यांनी हजेरी लावली असून हे पाहुणे म्हणजे चक्क समुद्रातील डॉल्फिन आहेत. या डॉल्फिनचा एक अप्रतिम व्हिडिओ सोशल मीडियावर वेगाने व्हायरल होत आहे. समुद्राच्या लाटांमध्ये मुक्तपणे खेळणाऱ्या या डॉल्फिन्सचा व्हिडिओ पाहून नेटिझन्स मंत्रमुग्ध झाले आहेत.

हा व्हिडिओ मच्छीमार पेले यांनी शेअर केला असून, व्हिडिओमध्ये काही डॉल्फिन खेळताना, उड्या मारताना आणि समुद्राच्या पाण्यात मुक्तपणे पोहताना दिसत आहेत. व्हिडिओ पाहून अनेकांनी "हे दृश्य म्हणजे निसर्गाचं अप्रतिम देणं आहे" अशा प्रतिक्रिया दिल्या आहेत.

सोशल मीडियावर हा व्हिडिओ व्हायरल झाल्यानंतर अनेक जणांनी तो पुन्हा पुन्हा शेअर केला आहे. पर्यटकांना यावेळी गोव्याच्या समुद्रात डॉल्फिन पाहण्याचं भाग्य प्रत्येकाला लाभत नाही.

प्राणी आणि पक्ष्यांच्या जगातही भावना असतात. ते आनंदी, उत्साही आणि कधी कधी खेळकरही असतात. डॉल्फिन हे समुद्रातील सर्वात बुद्धिमान आणि मित्रत्वपूर्ण प्राणी मानले जातात. ते गटाने फिरतात.

गोव्यात डॉल्फिन दिसणं हे पर्यावरणीय दृष्टीने सकारात्मक संकेत आहे. स्वच्छ पाणी, योग्य तापमान आणि खाद्यसाखळीचं संतुलन असल्यास डॉल्फिन या भागात वारंवार दिसतात.

एकूणच, गोव्याच्या समुद्रात दाखल झालेल्या या "समुद्रातील पाहुण्यामुळे" सोशल मीडियावर उत्सुकता आणि आनंदाचं वातावरण निर्माण झालं आहे. डॉ