पणजी : बांदिवडे येथे बांदोडकर दैवज्ञ बांधवांचा वर्धापन दिवस नुकताच उत्साहात साजरा करण्यात आला. यानिमित्त मान्यवरांचा सन्मान तसेच गुणवंत विद्यार्थ्यांना गौरविण्यात आले. बांदोडकर दैवज्ञ महिला मंडळातर्फे महिलांसाठी पाककला, मुलांसाठी चित्रकला, पुरुषांसाठी प्रश्‍नमंजुषा स्पर्धा घेण्यात आल्या.

वर्धापनाची सुरवात ब्रह्मपुरुषाच्या लघुरुद्राने झाली. लघुरुद्राचे यजमानपद संजय व संजना बांदोडकर यांनी भुषविले. संध्याकाळी बांदोडकर बांधवांचा गौरव सोहळा संपन्न झाला. यावेळी श्री महामाया कालिका संस्थान कासरपालचे अध्यक्ष संदीप अणवेकर, अनिल चोडणकर, बांदोडकर रिलीजियस ट्रस्टचे अध्यक्ष अनिलकुमार बांदोडकर, सचिव लक्ष्मीकांत बांदोडकर, खजिनदार सचिन बांदोडकर व महिला मंडळाच्या उपाध्यक्षा पौर्णिमा बांदोडकर आदी उपस्थित होते.

गुणवंतांचा गौरव

सोहळ्यात उत्तम कारागिर म्हणून गुरुदास बांदोडकर, उत्कृष्ट कलाकार म्हणून रोहीत बांदोडकर यांना गौरविण्यात आले. तसेच भरघोस गुणांनी उतीर्ण झालेल्या बांदोडकर मुलांचा सन्मान केला गेला. पाहुण्यांची ओळख निरुपा बांदोडकर, स्वागत अनिल बांदोडकर, सत्कारमूर्तींची ओळख संचिता बांदोडकर आणि शुभदा बांदोडकर, सूत्रसंचालन संगम बांदोडकर तर लक्ष्मीकांत बांदोडकर यांनी आभार मानले.