Balrath Accident At Shiroda : शिरोडा येथील एका शाळेच्या बालरथाला साखरव्हाळ येथे अपघात झाला. विध्यार्थ्याना पोचविण्यासाठी जात असताना बस कलंडली. या अपघातात चालक गंभीर जखमी झाला तर एकुण 5 विध्यार्थी किरकोळ जखमी झाले आहेत.

चालकाला अधिक उपचारसाठी मडगाव हॉस्पिसीओत दाखल करण्यात आले. याबाबतचा अधिक तपास फोंडा पोलिस करीत आहेत.

फोंडा पोलिसांनी दिलेल्या माहितीनुसार, शिरोडा येथील एका शाळेची बस शाळा सुटल्यानंतर विद्यार्थ्यांना पोचविण्यासाठी जात असता पाज येथे महिला दुचाकीस्वराला वाचविण्याच्या प्रयत्नात बस रस्त्याच्या दुसऱ्या बाजुला जाऊन वीज खांबला धडकली.

या बस मध्ये असलेल्या चार विद्यार्थी किरकोळ जखमी झाले तर एका विद्यार्थ्याच्या कपाळाला जखम झाल्याने तीला स्टीचीस घातलेल्या आहेत.

अपघातानंतर जखमी झालेल्या 4 विद्यार्थ्यांना शिरोडा येथील आरोग्यकेंद्रात उपचार करुन घरी पाठविले आहे तर साईश्री गांवकर ही विद्यार्थी रुग्णालयात उपचार घेत आहे.

त्रिशा गांवकर (वय १०),प्रणाली गांवकर (वय १३),इशान गांवकर (वय ८)व सानीका गांवकर (वय ९ )ही किरकोळ जखमी झाले तर साईश्री गांवकर वय ही सध्या शिरोडा आरोग्य केंद्रात उपचार घेत आहे.