पणजी: मानशीची दारे अवैध‌ मासेमारीसाठी उघडली जातात. त्यामुळे खारेपाणी शेतात घुसते. अशाने नेवरा खाजन‌ नष्ट होण्याची भीती आमदार विजय सरदेसाई (MLA Vijay Sardesai) यांनी आज विधानसभेत व्यक्त केली.

त्यांनी सांगितले भ्रष्ट अधिकार्‍यांच्या आशीर्वादाने हे सारे सुरू आहे. नऊ किलोमीटर लांबीचा हा बांध आहे. अवैधपणे केल्या जाणाऱ्या मासेमारीसाठी मानशीची दारे उघडतात. त्यामुळे खाजन शेत जमीन‌ पाण्याखाली गेली आहे. ही शेती वाचवण्यासाठी सरकारने पुढाकार घेण्याची गरज आहे आणि तिथे चालणारे गैरप्रकार बंद केले पाहिजेत.