अखेर कला सादर करण्याची संधी मिळाली. फोंडा येथील मर्दनगडाच्या संरक्षणावर दाजी साळकर यांनी मांडलेली खासगी ठरावावर माजी मंत्री गोविंद गावडे यांनी विष्णू वाघ यांनी लिहिलेल्या पोवाडा सादर केला. अखेर त्यांनी या पोवाड्याच्या सादरीकरणातून आपली कला सादर केली, असेच दिसून आले.

अमेरिकेने काही भारतीय वस्तूंवरील आयात शुल्क 50 टक्क्यांपर्यंत वाढवण्याच्या नुकत्याच घेतलेल्या निर्णयामुळे गोव्याच्या निर्यात उद्योगामध्ये चिंतेचे वातावरण निर्माण झाले आहे. या निर्णयाचा गोव्याच्या अर्थव्यवस्थेवर मोठा नकारात्मक परिणाम होण्याची शक्यता असल्याचे मत आमदार वीरेश बोरकर (Viresh Borkar) यांनी व्यक्त केले आहे. त्यांच्या मते, या शुल्कवाढीमुळे गोव्याच्या निर्यातीची स्पर्धात्मकता, महसूल आणि रोजगार यावर थेट परिणाम होईल.

विजय सरदेसाई पुन्हा 'एनडीए'मध्ये येत असल्यास विचार करण्यास हरकत नाही, असं मुख्यमंत्री प्रमोद सावंत म्हणालेत. 'एनडीए'च्या नेत्यांशी याआधी झालेल्या बैठकांचा संदर्भ सरदेसाईंनी दिल्यानंतर मुख्यंत्र्यांनी काढला चिमटा.

मुख्यमंत्री प्रमोद सावंत यांनी स्पष्ट केले की, राज्यात उबरसारख्या कोणत्याही कॅब अ‍ॅग्रीगेटरला सरकारकडून अद्याप मान्यता देण्यात आलेली नाही. विधानसभेत आमदार वेंझी वेगास यांनी हा मुद्दा उपस्थित केला. त्यांनी कोल्वा येथे नोंदविण्यात आलेल्या पोलिस तक्रारीचा हवाला देत, काही कॅब सेवा बेकायदेशीरपणे सुरू असल्याचा आरोप केला. त्यावर मुख्यमंत्र्यांन उत्तर दिलं.

महापौर रोहित मोन्सेरात यांना समस्या सांगितल्यानंतर भाटले येथील राम मंदिराजवळील रस्त्याची तातडीने दुरुस्ती हाती घेतली. स्थानिक नागरिकांनी व प्रवाशांनी समस्या महापौरांच्या निदर्शनास आणून दिल्यानंतर संबंधित ठिकाणी रस्त्याची दुरुस्ती हाती घेण्यात आली.

म्हादईचा विषय सर्वोच्च न्यायालयात प्रलंबित असतानाही कर्नाटककडून पाणी वळवण्याचा प्रकार सुरू असल्याचा मुद्दा विरोधकांनी सभागृहात उपस्थित केला.