केंद्रीय अर्थसंकल्पात गोव्यात तीन नवीन रेल्वे स्थानकं उभारण्याची घोषणा करण्यात आली आहे. मात्र, या घोषणेनंतर राज्यात मोठ्या प्रमाणावर विरोध दर्शविला जात आहे. आजपासून सुरू झालेल्या गोवा विधानसभेच्या अर्थसंकल्पीय अधिवेशनात नेवरा येथे प्रस्तावित असलेल्या रेल्वे स्थानकावरून जोरदार चर्चा रंगली. सांत आंद्रेचे आमदार वीरेश बोरकर यांनी यावर प्रश्न उपस्थित करत सरकारला धारेवर धरले.