शिवोली: वीज खात्याकडून वेळोवेळी करण्यात येत असलेली  भरमसाठ वीज दरवाढ,  वीज बीले (Electricity Bill) घरपोच पाठविण्यात होत असलेली दिरंगाई आणी अनियमितपणा आदी प्रश्नावरुन संतापलेल्या कळंगुटवासियांशी कॉग्रेस पक्षाच्या (Congress party) बॅनरखाली स्थानिक वीज केद्रावर धडक मोर्चा काढला. यावेळी पक्षाचे वरिष्ठ  नेते तसेच कळंगुटचे माजी आमदार  आग्नेलो फर्नांडिस , माजी सरपंच जोजफ सिक्वेरा, जिल्हा युवा अध्यक्ष  विवेक डिसिल्वा, स्वप्नेश वायंगणकर, पर्रा ब्लॉकचे बेनेडिक्ट डिसौझा, कळंगुट फोरमचे अध्यक्ष प्रेमानंद दीवकर तसेच महिला कार्यकर्त्या मोठ्या संख्येने उपस्थित होत्या. यावेळी मोर्चेकरांनी वीज खात्याच्या मनमानी कारभाराचा निषेध करतांना जोरदार घोषणाबाजी करण्यात आली. तथापि उपस्थित वीज अभियंते आणि मोर्चेकर्यांत बराचवेळ बाचाबाची झाली. परिस्थितीवर नियंत्रण ठेवण्यासाठी कळंगुटचे पोलिस  निरीक्षक नोलास्को रापोझ आपल्या पोलीस फौजफाट्यासहित घटनास्थळी उपस्थित होते.

कळंगुटात वीजपुरवठा नेहमीच अखंडीत आणि अनियमीत असतो त्यामुळे या भागातील हॉटेल व्यवसायिकांबरोबरच स्थानिक लोकांकडून उभारण्यात आलेल्या छोट्या मोठ्या खाजगी गेस्ट हाऊसना मोठा आर्थिक फटका बसतो. दरम्यान, दर दोन ते तीन महिन्यानंतर सादर करण्यात येणारी वीजबीले तसेच बिलांची भरमसाठ रक्कम याभागातील सामान्य माणसांसाठी मोठी डोकेदुखी बनलेली आहे.

आग्नेलो फर्नांडिस (माजी आमदार कळंगुट )

कळंगुट सोडल्यास शेजारच्या मतदारसंघात वीज बीले नियमीतपणे सादर केली जातात. मात्र एकट्या कळंगुटातच दर तीन महिन्यांतून एकदाच वीज बिले दरवाजात धडकतात,  त्यामुळे  कोवीड महामारीच्या काळात आधीच जर्जर झालेल्या लोकांंच्या हालांना पारावर राहिलेला नाही.  दरम्यान, स्थानिक वीज खात्याच्या बेफिकीरपणामुळेच असे होत आहे यापुढे वीज बीले नियमीत घरपोच न मिळाल्यास पुन्हां एकदां वीज केद्रांवर धडक मोर्चा आणि धरणे घडवून आणू.

जोजफ सिक्वेरा : (कळंगुटचे माजी सरपंच )