पेडणे: तोर्से येथे महिला कॉलेजजवळ आज रात्री 8 वाजण्याच्या सुमारास कंटेनरने मोटारसायकलला जोरदार धडक दिल्याने (Goa Accident) स्वप्नील तावडे हा कुडाळ येथील दुचाकीस्वार गंभीर जखमी झाला असून त्याला गोमेकॉत (GMC) उपचारासाठी दाखल केले आहे.

एन.एल.ओ. 1 - एल 7569 या क्रमांकाचा कंटेनर उत्तराखंडहून गोव्यात रिक्षा घेऊन येत होता. तर एमएच-07 - एपी 1873 या क्रमांकाच्या मोटारसायकलवरून एक युवक सावंतवाडीच्या दिशेने जात असताना कंटेनरची जोरदार धडक बसून गंभीर जखमी झाला. 108 रुग्णवाहिकेतून उपचारासाठी त्याला प्रथम पेडणे सरकारी इस्पितळात नेले.

तिथून त्याला गोमेकॉत नेण्यात आले. याप्रकरणी कंटेनरचालक तारकेश्वर रामबिहार याला पोलिसांनी ताब्यात घेतले आहे.