Vasco Fatal Accident Youth Died On The Spot: गोव्यातील अपघातांची सरासरी पाहता गोव्याला अपघातांचे ग्रहण लागले आहे असे म्हणणे चुकीचे ठरणार नाही.

या वाढत्या अपघातांवर आळा घालण्यासाठी वाहतूक विभाग नियमांचे उल्लंघन करणाऱ्यांवर कठोर कारवाई करत दंड वसूल करत आहे. काल वास्कोत झालेल्या अपघातामुळे परिसरात एकच खळबळ उडाली आहे. यात एकाचा दुर्दैवी मृत्यू झाला आहे.

मुंडवेल, वास्को येथील विशाल रमेश बरोरा (24) या वर्षीय युवकाचा सोमवारी सायंकाळी कुठ्ठाळी येथे झालेल्या अपघातात मृत्यू झाला.

विशाल हा दुचाकीवरून वास्कोहून कुठ्ठाळीला जात असताना कुठ्ठाळी जंक्शनजवळ पोहोचला तेव्हा त्याच्या दुचाकीने कुठ्ठाळीहून वास्कोकडे येणाऱ्या कदंब बसला धडक दिली.

ही धडक इतकी भयानक होती की, यात त्याचे शरीर बसच्या बोनेटमध्ये जाऊन अडकले, ज्यामुळे त्याचा जागीच मृत्यू झाला. या घटनेचा पुढील तपास वेर्णा पोलीस करत आहेत.