मोरजी: पेडणेचे भाजप आमदार प्रवीण आर्लेकर यांना मंत्रिमंडळात स्थान द्यावे, अशी जोरदार मागणी मतदारसंघातील प्रमुख कार्यकर्त्यांनी केली. आज त्‍यांनी मुख्यमंत्र्यांच्या निवासस्थानी धडक दिली व आपली मागणी पुढे रेटली.निवडणुकीच्या काळात मुख्यमंत्री डॉ. प्रमोद सावंत यांनी प्रवीण आर्लेकर यांना विजयी करा, ते आमदार झाल्यानंतर त्यांना मंत्रिमंडळात स्थान दिले जाईल, अशी ग्वाही दिली होती. ते वचन आता मुख्यमंत्री सावंत यांनी पाळावे आणि पेडणेचा सन्मान करावा अशी मागणी या कार्यकर्त्यांनी केली.

यावेळी तोरसेचेचे माजी सरपंच सूर्यकांत तोरसकर, माजी सरपंच संगीता गावकर, मोपा उपसरपंच सुबोध महाले, धारगळ सरपंच भूषण नाईक, पेडणे भाजप मंडल अध्यक्ष तुळशीदास गावस, जिल्हा पंचायत सदस्य मनोहर धारगळकर, नरेश कोरगावकर, पेडणे नगराध्यक्षा उषा नागवेकर, माजी नगराध्यक्ष स्मिता कुडतरकर, माजी सरपंच शशिकांत महाले, नगरसेविका तृप्ती सावळ देसाई, नगरसेविका विशाखा गडेकर, अश्विनी पालेकर, नगरसेवक शिवराम तुकोजी, उपनगराध्यक्ष मनोज हरमलकर, विनिता मांजरेकर, सूर्यकांत तोरस्कर, सरपंच अशोक सावळ, माजी सरपंच बबन डिसोझा, माजी जिल्हा पंचायत सदस्य रमेश सावळ, युवा कार्यकर्ते कृष्णा पालेकर, भारती सावळ, अशोक धाऊसकर, देवानंद गावडे, आपा केणी, शंभा वारंग आदी उपस्थित होते.