फोंडा: बांदोडा पंचायत क्षेत्राच्या हद्दीत कचरा टाकणाऱ्या वाहनाला पकडून पंचायतीतर्फे दंड ठोठावण्यात आला. आज शनिवारी ही कारवाई करण्यात आली. बांदोडा पंचायत क्षेत्रातील फर्मागुढी ते कदंब बसस्थानक रस्त्याच्या कडेला हा कचरा टाकण्यात येत होता.

(‘garbage thrower’ vehicle caught in Farmagudi)

जीए 05 टी 5466 या क्रमांकाच्या जीपगाडी टेम्‍पोतून हा कचरा टाकण्याच्या प्रयत्नात असताना बांदोडा सरपंच राजेश नाईक व इतरांनी हा टाकाऊ साहित्य भरून आलेला तो टेम्‍पो पकडला. या प्रकरणी टेम्‍पोचालकाला जाब विचारला असता तो निरूत्तर झाल्याने पंचायत सचिवाला याबाबत माहिती देण्‍यात आली. पंचापतीतर्फे त्‍याला पाच हजार रुपयांचा दंड ठोठावण्यात आला.