मडगाव: नावेली येथील पश्चिम बायपासकडे जाणारा सर्व्हिस रोड हा कचरा टाकण्याचे ठिकाण बनले आहे. रस्त्याच्या कडेचा भाग प्लास्टिक, खाद्यपदार्थ, प्लॅस्टिकच्या बाटल्या या टाकाऊ वस्तूंनी भरला आहे. (garbage heaps on service road connected to western bypass)

येथील नागरिकांनी मडगाव नगरपरिषद (MMC) आणि नावेली ग्रामपंच्यातील अधिकाऱ्यांना या समस्येकडे लक्ष देण्याची विनंती केली आहे. याठिकाणी दररोज कचरा टाकणाऱ्यांवर कारवाई करावी. परिणामी येथे कचरा टाकण्याचा प्रकार थांबेल, असे स्थानिकांचे म्हणणे आहे.

सर्व्हिस रोडच्या कडेला सर्वत्र कचरा पडलेला असतो. यामुळे आजूबाजूच्या भागात रोग पसरण्याची शक्यता आहे. अधिकाऱ्यांनी याकडे तातडीने लक्ष द्यावे, असे येथील नागरिक म्हणाले.

आताच कारवाई न केल्यास येथे टाकलेल्या कचऱ्याचे प्रमाण वाढत जाईल आणि नंतर तो कचरा साफ करणे अधिकाऱ्यांसाठी कठीण होईल, असेही नागरिक म्हणाले.