फोंडा : तिस्क उसगाव येथील पीडीए मार्केट परिसरात सर्वत्र केरकचरा व घाणीचे साम्राज्य पसरले असून त्यामुळे परिसरात दुर्गंधी पसरली आहे. तिस्क उसगाव येथील पीडीए मार्केट प्रकल्पाच्या जागेत दुकानदार तसेच भाजी विक्रेत्याकडून मिळेल तिथे कचरा (Garbage) टाकत असल्याने घाणीचे साम्राज्य पसरत असून बेकायदेशीररित्या झोपड्या वजा दुकाने उभारण्यात आली आहे. विक्रेत्याकडून योग्यप्रकारे निगा राखली जात नसून परिसरात मिळेल तिथे कचरा आणून टाकला जात आहे.

पीडीए मार्केटला (market) कुणीच वाली नसल्याचे दिसून येत आहे पीडीएच्या परिसरात गुरेढोरे वावरताना दृष्टीस पडत आहे. तिस्क उसगाव येथील पीडीएचा मार्केट प्रकल्पातील सभागृह असून देखील स्थानिकांना कसल्याच कामासाठी फायदा होत नाही. तिस्क उसगाव पीडीएची जागा केरकचऱ्यांनी व्यापली आहे. तिस्क पीडीएच्या जागेचा परिसर बेकायदेशीररित्या उभारलेल्या दृष्टीस पडताना दिसत आहे. यासाठी पीडीएच्या जागेत स्वच्छता राखण्याची मागणी होत आहे.