Ganesh idol stolen in Mapusa Dainik Gomantak
गोवा

Ganesh Idol Theft: 'मी विसर्जनासाठी मदत करतो' म्हणत बाप्पा हातात घेतला अन् पोबारा; म्हापशात चांदीच्या दागिन्यांसह गणेशमूर्तीची चोरी

Ganesh idol with silver ornaments stolen: मदतीचा बहाणा करून एका अज्ञात व्यक्तीने चांदीच्या दागिन्यांनी सजलेली गणपतीची मूर्तीच पळवून नेल्याची घटना मंगळवारी रात्री म्हापसा येथील तारीकडे विसर्जनस्थळी घडली.

गोमंतक ऑनलाईन टीम

म्हापसा: मदतीचा बहाणा करून एका अज्ञात व्यक्तीने चांदीच्या दागिन्यांनी सजलेली गणपतीची मूर्तीच पळवून नेल्याची घटना मंगळवारी रात्री म्हापसा येथील तारीकडे विसर्जनस्थळी घडली. या प्रकारामुळे कुटुंबीयांना गणरायाची शेवटची आरतीही करता आली नाही. या घटनेने भाविकांमध्ये संताप व्यक्त होत आहे.

म्हापशातील पुजारी कुटुंबीय गेल्या १० ते १२ वर्षांपासून नियमितपणे तारीकडे विसर्जनस्थळी श्रींचे विसर्जन करतात. मंगळवारी रात्री ९ ते ९.३०च्या सुमारास दीड दिवसांच्या गणरायाचे विसर्जन करण्यासाठी ते तेथे पोहोचले.

पती कार पार्क करण्यासाठी गेले, तर पत्नी गाडीतून पूजेचे व आरतीचे ताट काढत होत्या. लहान मुलेही गाडीजवळच थांबली होती. याच वेळी हा प्रकार घडला. दरम्यान,चोरीला गेलेल्या गणपतीच्या मूर्तीवर चांदीचा हार, मुकुट असे मौल्यवान दागिने होते. या दागिन्यांच्या लोभातूनच चोरट्याने हा डाव साधल्याचा प्राथमिक अंदाज आहे.

‘शेवटची आरतीही करता आली नाही’

‘आम्ही गेली १०-१२ वर्षे येथे विसर्जनासाठी येतो. मुले विसर्जनासाठी मदत करतात, म्हणून आम्ही त्याच्यावर विश्वास ठेवला. पण आमच्यासोबत असा प्रकार घडेल, असे कधीच वाटले नव्हते. गणरायाची शेवटची आरतीसुद्धा करता आली नाही, याचे प्रचंड वाईट वाटत आहे,’ अशा भावना कुटुंबीयांनी व्यक्त केल्या.

म्हापशातील घटना

कुटुंबीय गाडीजवळ असताना एक अनोळखी युवक तेथे आला. ‘मी विसर्जनासाठी मदत करतो,’ असे सांगत त्याने गणपतीची मूर्ती नेण्यासाठी हात पुढे केला. विसर्जनस्थळी स्थानिक मुले किंवा स्वयंसेवक भाविकांना मदत करीत असल्याने कुटुंबीयांनी विश्वासाने बाप्पाची मूर्ती त्याच्या हाती सोपवली. मूर्ती हातात पडताच चोरट्याने गर्दीचा फायदा घेत तेथून पोबारा केला.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Bird Flu Vaccine: बर्ड फ्लूविरुद्ध भारताने बनवली स्वदेशी लस; 20 नोव्हेंबरला होणार लाँच

Quad Summit 2026: 'क्वाड' हिंद-प्रशांतचा विश्वासार्ह भागीदार; मोदींचा सागरी सुरक्षा, तंत्रज्ञान अन् सहकार्यावर भर

ICC ODI Batting Rankings: वनडे रँकिंगमध्ये मोठा फेरबदल! शुभमन गिल आणि विराट कोहलीची बादशाहत कायम, रोहित-श्रेयसला झटका

Kendra Drishti Yog 2026: भाग्य उजळणार संयोग! सूर्य-गुरुच्या केंद्र दृष्टीने 5 राशींना मिळणार अफाट संपत्ती; आर्थिक लाभाची पर्वणी

IPL Auction Date: BCCI कडून IPL 2027 ऑक्शनची तारीख जाहीर, 16 डिसेंबरला गोव्यात खेळाडूंवर लागणार कोटींची बोली; पैशांचा पडणार पाऊस

SCROLL FOR NEXT