Amona Bridge Fatal Accident: आमोणा पुलाजवळ भीषण अपघात झाला आहे. एका कार चालकाने दोन दुचाकांना जोराची धडक दिल्याने हा अपघात झाला आहे. यामध्ये दोन्ही दुचाकीवरील चालक गंभीर जखमी झाले आहेत.

मिळालेल्या माहितीनुसार, रथा कृष्णन हा चारचाकी चालक भरधाव वेगाने जात असताना त्याने दोन दुचाकींना जोराची धडक दिली.

यात रामा सावर्डेकर व रामा गावकर हे दोघे गंभीर जखमी झाले असून, त्यांना उपचासारासाठी गोवा वैद्यकीय महाविद्यालय आणि रूग्णालयात दाखल केले आहे.

कार चालक वेदांता कंपनीत कार्यरत असून, ते आमोणा ते माशेल असा प्रवास करत होते. दरम्यान, आमोणा पुलाजवळ हा भीषण अपघात झाला.

गाडीने समोरून धडक दिल्याने दुचाकी चालकांचे नियंत्रण सुटल्याने ते विजेच्या खांबाला धडकून अपघात झाला. पोलिस घटनेचा पुढील तपास करत आहेत.

KTM चालक धडकला ऑडी कारला

दाबोळी येथे भरधाव येणारी KTM बाईक( GA-06-AC-4397) आणि भरधाव जाणारी ऑडी कार (Audi Q3 GA-07-E-6745) यांच्यात धडक झाली. KTM बाईक कारच्या पुढच्या टायरजवळील भागाला धडक दिली. या धडकेत KTM चालक खाली पडला व त्याला गंभीर दुखापत झाली आहे.