Mumbai Goa Highway Accident

अलिबाग: मुंबई गोवा महामार्गावर भीषण अपघात झाल्याची घटना समोर आली आहे. टोइंग व्हॅनने स्कॉर्पिओला दिलेल्या जोरदार धडकेत चार जणांचा जागीच मृत्यू झाला असून, तीनजण जखमी झाले आहेत. वीर रेल्वे स्थानकाजवळ पहाटे आज (०३ डिसेंबर) पहाटे हा अपघात झाला. जखमींवर उपचारासाठी महाड ग्रामीण रुग्णालयात दाखल करण्यात आले आहे.

आकाशवाणी मुंबईने दिलेल्या वृत्तानुसार, स्कॉर्पिओ वीर रेल्वे स्थानकाजवळ डिझेल संपल्यामुळे थांबली होती. गाडीतील प्रवासी बाहेर उभे होते. दरम्यान, याचवेळी भरधाव वेगाने आलेल्या टोइंग व्हॅनने स्कॉर्पिओला जोरदार धडक दिली यात चार जणाचा मृत्यू झाला असून, तिघे गंभीर जखमी झाल्याची माहिती आहे.

मृत आणि जखमी प्रवासी महाड येथील असल्याची प्राथमिक माहिती समोर आली आहे. जखमीवर महाड ग्रामीण रुग्णालयात उपचारासाठी दाखल केले आहे.

पहाटेच्या सुमारास झालेल्या या अपघाताची माहिती मिळताच पोलिसांनी घटनास्थळी दाखल होत घटनेचा पंचनामा केला. बचाव पथकाने जखमी रुग्णालयात दाखल केले. दरम्यान, यात चारजणांचा मृत्यू झाला आहे. तर, तीन जखमींवर उपचार सुरु आहेत. टोइंग व्हॅन चालकाविरोधात गुन्हा दाखल करण्याची प्रक्रिया सुरु आहे.